Three Lions kill blue bull at Bavada village in Liliya Taluka
Divya Bhaskar
http://www.divyabhaskar.co.in/article/SAU-three-lion-hunting-cow-in-farm-near-liliya-2687965.html
લીલીયા તાલુકાના બવાડા ગામની સીમમાં ગઇરાત્રે ત્રણ સાવજોએ એક વાડીમાં નીલગાયનું મારણ કર્યું હતું. આ સમયે સિંહદર્શન માટે લોકોની મોટી ભીડ ઉમટી પડી હતી.
લીલીયા તાલુકામાં વસતા સાવજો દ્વારા પશુઓના મારણની ઘટના નીરંતર બનતી જ રહે છે. ગઇકાલે આવી એક ઘટનામાં ત્રણ સાવજોએ લીલીયા તાલુકાના છેવાડાના ગામ બવાડાની સીમમાં એક નીલગાયનું મારણ કર્યું હતું.
મોડી સાંજે ત્રણ સાવજો જાણે ટહેલવા નીકળ્યા હોય તેમ બવાડાની સીમમાં ચક્કર મારવા નીકળ્યા હતા. આ દરમીયાન ગોરધનભાઇ શીરોયા નામના ખેડૂતની વાડીમાં એક નીલગાય નઝરે પડતા ત્રણેય સાવજો તેની પાછળ પડ્યા હતા અને જોતજોતામાં નીલગાયને મારી નાખી હતી.
દરમીયાન વાડીમાં સિંહો દ્વારા મારણ થયાની ઘટનાની જાણ થતા સિંહ દર્શન માટે લોકોની મોટી ભીડ ઉમટી પડી હતી. ભરપેટ ભોજન લીધા બાદ ત્રણેય સાવજો અહિંથી ટહેલતા ટહેલતા રવાના થઇ ગયા હતા.
No comments:
Post a Comment