Saturday, May 26, 2012

Lion chases man at Khambha

26-05-2012
Lion chases man at Khambha
Divya Bhaskar
http://www.divyabhaskar.co.in/article/SAU-child-lion-running-3319826.html?OF4=

આગળ યુવાન, પાછળ સિંહણ, વળી ગયો પરસેવો


ખાંભા પાસે માનતા પૂરી કરવા જતાં યુવાન પાછળ સિંહણ દોડી


ધારીનો એક વિપ્ર યુવાન ધોરણ ૧૨ ની પરીક્ષામાં પાસ થતા ખાંભા નજીક આવેલા વાદળીયા હનુમાન આશ્રમે પગપાળા માનતા પુરી કરવા જઇ રહ્યો હતો. ત્યારે એક સિંહણે પાછળ દોટ મુકતા આ યુવકને પરસેવો વળી ગયો હતો. જો કે આ સિંહણ પણ યુવકને માત્ર ડરાવતી હોય તેમ પાછળ દોડ્યા બાદ સાઇડમાં ઉતરી જતા તેના પરથી ખતરો ટળ્યો હતો.

વાદળીયા હનુમાન આશ્રમ પર જવા માટે રોડ પર બસમાં ઉતર્યા બાદ ડુંગરાળ વિસ્તારમાં દોઢ કિમી ચાલવુ પડે છે. ધારીનો કૌશિક હસુભાઇ દવે નામનો યુવાન ગઇકાલે ધોરણ ૧૨ ની પરીક્ષામાં પાસ થતા આજે તે માનતા પુરી કરવા વાદળીયા હનુમાન આશ્રમ જવા નીક્ળ્યો હતો. રોડ પર બસમાંથી ઉતર્યા બાદ દોઢેક કિમી ચાલીને જતો હતો ત્યારે શિકારની શોધમાં નીકળેલી એક સિંહણનો તેને ભેટો થઇ ગયો હતો.

શાક્ષાત કાળને ભાળી ગયેલા આ યુવાને સિંહણને જોઇ દોટ મુકી હતી. સિંહણે આ યુવાન પાછળ દોટ મુકી હતી. થોડીક ક્ષણોમાં તો આ યુવકને પરસેવો વળી ગયો હતો. જો કે સિંહણ પણ જાણે આ યુવકને ડરાવતી હોય તેમ થોડે સુધી પાછળ દોડયા બાદ સાઇડમાં ઉતરી ગઇ હતી.

No comments:

Previous Posts